Det byrjar i mørkret. Lyssettinga i «Mitt distrikt» var ved Tobias Leira, koreografien ved Marie Bergby Handeland og Mathilde Øverland (som òg er prosjektleiar for Akersarv).
Hallingdans til tonane av Øyvind Sandums trekkspel og rapp med Per Olav «Skranglebein» Hoff Mydske. Dei to var musikarar under heile framsyninga.
Springdans frå Ski, ein dans Bygda Dansar Akershus har arbeidd mykje med i dei to åra prosjektet har halde på.
Etter at vi fekk høyre eit arkivopptak av ein charleston, fekk vi sjå dansen som på 1920-talet var svært populær både i Akershus og elles i landet.
Ein seksmannsril høyrer med.
Det tradisjonsrike Kråkstad samfunnshus i Ski lagde ei fin ramme kring midtførestillinga til Akersarv - Bygda Dansar Akershus. Neste år kjem sluttførestillinga.